ധർമടം നിയോജക മണ്ഡലം ഇന്ന് ചരിത്ര പ്രധാനമായ ഒരു നിമിഷത്തിന് സാക്ഷിയാവുകയാണ് . കേരളത്തിൽ ഒരു പക്ഷേ ഇന്ത്യയിൽ തന്നെ ആദ്യമായി ഒരു നിയോജക മണ്ഡലം സമ്പൂർണ്ണ ലൈബ്രറി മണ്ഡലം ആയി പ്രഖ്യാപിക്കപ്പെടുന്നു. ബഹു: കേരള മുഖ്യമന്ത്രി ശ്രീ പിണറായി വിജയൻ ഇന്ന് രാവിലെ 11 മണിക്ക് പിണറായി ബാങ്ക് ഹാളിൽ വച്ച് ധർമടം നിയോജക മണ്ഡലത്തെ സമ്പൂർണ്ണ ലൈബ്രറി മണ്ഡലം ആയി പ്രഖ്യാപിച്ചു.
ഡോ. വി ശിവദാസൻ എം.പി ചെയർമാൻ ആയിട്ടുള്ള people’s mission for social development ( സാമൂഹ്യ വികസനത്തിനുള്ള ജനകീയ യജ്ഞം) ൻ്റേ നേതൃത്വത്തിൽ ഓരോ പഞ്ചായത്തിലും, ഓരോ വാർഡിലും നാടിൻ്റെ വിനോദ വിജ്ഞാന വികസന കേന്ദ്രം എന്ന നിലയിലുള്ള ഒരു ലൈബ്രറി സ്ഥാപിക്കുക എന്ന പ്രവർത്തനത്തിൻ്റെ തുടക്കം എന്നതാണ് ഈ പ്രഖ്യാപനത്തിൻ്റെ പ്രാധാന്യം. ഡിസംബർ 15 ഓട് കൂടി ധർമടം നിയോജകമണ്ഡലത്തിലെ മുഴുവൻ പഞ്ചായത്തുകളും എല്ലാ വാർഡുകളിലും ലൈബ്രറികളിൽ സ്ഥാപിച്ചു കൊണ്ട് സമ്പൂർണ്ണ ലൈബ്രറി പഞ്ചായത്തുകൾ ആയി പ്രഖ്യാപിക്കപ്പെട്ടിരുന്നു.
നാടിൻ്റെ വികസനത്തിനു ജനകീയമായ കൂട്ടായ്മകളും പ്രവർത്തനങ്ങളും ആവിഷ്ക്കരിക്കുക എന്ന ഉദ്ദേശത്തിൽ ആണ് ഡോ.വി ശിവദാസൻ എം.പി യുടെ നേതൃത്വത്തിൽ people’s mission for social development രൂപീകരിക്കപ്പെട്ടത്. പുരോഗമന/ജനകീയ പ്രസ്ഥാനങ്ങളുടെയും ശക്തമായ ജനകീയ കൂട്ടായ്മകളുടെയും പ്രവർത്തനങ്ങളിലൂടെ സാമൂഹ്യ വികസനത്തിനുള്ള ഉറച്ച അടിത്തറ പാകലാണ് പീപിൾസ് മിഷൻ്റെ ലക്ഷ്യം.