2023 ജനുവരി 1 മുതൽ 3 വരെ തീയതികളിൽ കണ്ണൂരിൽ നടക്കുന്ന ഇന്ത്യൻ ലൈബ്രറി കോൺഗ്രസിൽ പങ്കെടുക്കുന്ന പ്രതിനിധികളെ താമസിപ്പിക്കുന്നതിന് കണ്ണൂർ നഗരസഭാപരിധിയിലും സമീപ പഞ്ചായത്തുകളിലുമുള്ള സന്നദ്ധതയുള്ളവർ താൽപ്പര്യമറിയിക്കണമെന്ന് സംഘാടകസമിതി അറിയിക്കുന്നു. വിവിധ മേഖലകളിലുള്ളവർക്ക് സാമൂഹ്യസമ്പർക്കവികാസം ലക്ഷ്യമിട്ടാണ് ഇത്തരമൊരു പദ്ധതി ആവിഷ്ക്കരിച്ചിരിക്കുന്നത്. താമസിപ്പിക്കുന്നവർക്കും താമസിക്കുന്നവർക്കും വ്യത്യസ്തമായ സാമൂഹ്യചുറ്റുപാടുകളിലുള്ളവരുമായി ഇടപഴകുന്നതിനും സംസ്കാരങ്ങളേയും സമീപനങ്ങളേയും പരിചിതമാകുന്നതിനും ഇത്തരത്തിലുള്ള സഹവാസങ്ങൾ സഹായിക്കുമെന്നത് സാമൂഹ്യ ശാസ്ത്രജ്ഞർ വിശദീകരിച്ചതാണ്. അതുകൊണ്ട് തന്നെയാണ് ലൈബ്രറികോൺഗ്രസുമായി ബന്ധപ്പെട്ട് ഇത്തരമൊരവസരം പ്രതിനിധികൾക്കും കണ്ണൂർ നിവാസികൾക്കുമായി ഒരുക്കിയിരിക്കുന്നത്. കേരളത്തിനകത്തും പുറത്തുമുള്ള വിദ്യാർത്ഥികൾ, ഗവേഷകർ, അദ്ധ്യാപകർ, സാംസ്കാരിക പ്രവർത്തകർ, ജനപ്രതിനിധികൾ തുടങ്ങിയവരാണ് പ്രതിനിധികളായെത്തുന്നത്. താൽപ്പര്യമുള്ള വീട്ടുകാർക്ക് www.peoplesmission.in എന്ന വെബ് സൈറ്റിൽ കയറി പേര് രജിസ്റ്റർ ചെയ്യാവുന്നതാണ്. അല്ലെങ്കിൽ ilckannur1@gmail.com എന്ന മെയിലിലേക്ക്/താമസകമ്മിറ്റി കൺവീനർ പി പ്രശാന്തൻ-9744192999 ചെയർമാൻ എം.വി.ശശിധൻ-9446035345, കോർഡിനേറ്റർ ഡോ. കെടി ചന്ദ്രമോഹൻ-9447547217 എന്നിവർക്കോ സന്ദേശങ്ങൾ നൽകാവുന്നതാണ്.
