ഇന്ത്യൻ ലൈബ്രറി കോൺഗ്രസിനോട്‌ അനുബന്ധിച്ചു കണ്ണൂർ യൂണിവേഴ്സിറ്റിയിൽ നടന്ന ലൈബ്രേറിയൻമാരുടെ ശില്പശാല പങ്കാളിത്തം കൊണ്ട് ശ്രദ്ധേയമായി. കണ്ണൂരിലെ എ ഗ്രേഡ് എ പ്ലസ് ലൈബ്രറികളിൽ നിന്നും ഇരുന്നൂറ്റി നാൽപതോളം പ്രതിനിധികൾ പങ്കെടുത്തു. ലൈബ്രറി കോൺഗ്രസിൽ പ്രാദേശിക ലൈബ്രറികളുടെ അക്കാദമിക പങ്കാളിത്തം എങ്ങനെ സാധ്യമാക്കാം എന്ന് ശില്പശാല ചർച്ച ചെയ്തു. ഡോ വി ശിവദാസൻ എംപി ഉദ്ഘാടനം ചെയ്ത ശില്പശാലയിൽ എം കെ രമേശൻ, ഈ പി ആർ വേശാല, വൈക്കത്ത് നാരായണൻ, വി കെ പ്രകാശിനി, മുകുന്ദൻ മഠത്തിൽ എന്നിവർ ചർച്ച നയിച്ചു.
